Ferðatrygging fyrir gesti Airbnb útskýrð
Neyðarástand og óvæntar ferðaraskanir geta komið upp. Þess vegna býður Airbnb gestum upp á ferða- eða bókunartryggingu.
Gestir sem búa í Bretlandi og tilteknum löndum í Evrópu geta tryggt bókanir sínar gegn tiltekinni áhættu þegar þeir bóka ferð, gegn viðbótarkostnaði. Þegar gestir afbóka vegna gildra ástæðna geta þeir lagt fram tryggingarkröfu til að óska eftir endurgreiðslu bókunarkostnaðs á Airbnb sem fengist annars ekki endurgreiddur.
Þetta getur dregið úr líkum á að gestir biðji gestgjafa um endurgreiðslu umfram það sem er kveðið á í afbókunarreglu viðkomandi.
Hvernig gestir kaupa tryggingu
Ferðatrygging stendur gestum til boða sem búa í Bretlandi, Írlandi, Austurríki, Þýskalandi, Ítalíu, Hollandi, Portúgal og Spáni. Gestir í Frakklandi geta keypt bókunartryggingu.
Gestir í þessum og öðrum gjaldgengum löndum hafa val um að kaupa sér tryggingu á Airbnb áður en staðfesting og greiðsla bókunar fer fram. Tryggingarkostnaður gestsins byggist á prósentuhlutfalli heildarverðs bókunar. Gestir geta farið yfir tryggingarupplýsingar ásamt skilmálum, áður en gengið er frá kaupunum.
Gestir sem kaupa tryggingu fá staðfestingu með tölvupósti ásamt upplýsingum um hvað fellur undir trygginguna og hvernig kröfur er lagðar fram. Tryggingar eru gefnar út af írska eða breska útibúi Europ Assistance, en það fer eftir staðsetningu gesta hverju sinni. Europ Assistance er dótturfyrirtæki Generali Group, sem er leiðandi fjölþjóðlegt tryggingafélag.
Það sem tryggingin nær yfir
Ferða- og bókunartryggingar veita gestum aukna vernd og fela meðal annars í sér greiðslu sem nær yfir allt að 100% af þeim bókunarkostnaði á Airbnb sem hefði annars ekki fengist endurgreiddur ef tilteknir atburðir hafa áhrif á ferðina, svo sem vont veður eða alvarleg veikindi.
Ef gestgjafinn endurgreiðir til dæmis 50% af bókunarkostnaði gests samkvæmt afbókunarreglu sinni, getur ferðatryggingin veitt endurgreiðslu á eftirstandandi kostnaði, upp að 50%, að því tilskildu að gesturinn afbóki af gildri ástæðu. Vátryggingafélagið mun ekki innheimta greiðslu af gestgjafanum til að greiða kröfu gestsins.
Vernd og skilmálar eru mismunandi eftir staðsetningu. Frekari upplýsingar er að finna í hjálparmiðstöðinni:
Ferðatrygging er frábrugðin AirCover fyrir gesti sem fylgir með hverri bókun. AirCover veitir gestum vernd gegn óvæntum uppákomum svo sem röngum upplýsingum í skráningarlýsingu eða ef innritun er ómöguleg.
Ferðatryggingin er vátryggð af breska útibúi Europ Assistance S.A. fyrir gesti búsetta í Bretlandi. Europ Assistance S.A. sætir eftirliti franska eftirlitsyfirvaldsins (ACPR) sem er til staðar að 4 place de Budapest, CS92459 - 75436 París Cedex 09, Frakklandi. Útibú Europ Assistance S.A. í Bretlandi hefur heimild frá breska fjármálaeftirlitinu, Prudential Regulation Authority (PRA). Samkvæmt reglugerð frá breska viðskiptaháttaeftirlitinu, Financial Conduct Authority (FCA) og takmarkaðri reglugerð PRA. Nánari upplýsingar um hvað felst í reglugerð okkar samkvæmt breska fjármálaeftirlitinu eru fáanlegar sé þeirra óskað. Skráningarnúmer Europ Assistance S.A. hjá breska fjármálaeftirlitinu er 203084. Airbnb UK Services Limited hefur umsjón með ferðatryggingunni. Airbnb UK Services Limited er tilnefndur fulltrúi Aon UK Limited, sem er með heimild og undir eftirliti breska fjármálaeftirlitsins, FCA. Skráningarnúmer Aon UK Limited hjá FCA er 310451 sem má staðfesta í skrá yfir fjármálaþjónustu (e. Financial Services Register) eða með því að hringja í síma 0800 111 6768. Ferðatryggingin sætir eftirliti breska fjármálaeftirlitsins. Annar varningur og þjónusta af hálfu Airbnb UK Services Limited eru ekki háð eftirliti. Heildarskilmálar gilda. FPAIR20243LC
Airbnb Ireland Insurance Services veitir bókunartryggingu fyrir íbúa í Frakklandi, sem er vátryggð af Europ Assistance S.A. (EASA) sem starfar í gegnum írska útibú sitt. Europ Assistance S.A. Irish Branch (EAIB) með höfuðstöðvar á jarðhæð Block B, Riverside IV, SJRQ, Dublin 2, Írlandi, DO2 RR77 og skráð hjá írsku fyrirtækjaskránni (e. Irish Companies Registration Office) undir númerinu 907089. EASA er með heimild frá franska eftirlitsyfirvaldinu (ACPR), 4 place de Budapest, CS92459 – 75436 París Cedex 09, Frakklandi og EAIB sætir eftirliti Seðlabanka Írlands að því er varðar eftirfylgni við viðskiptareglur. Airbnb Ireland Insurance Services Limited sætir eftirliti seðlabanka Írlands. Skilmálar eiga við.
Aðrir íbúar innan ESB: Ferðatryggingin er vátryggð af Europ Assistance S.A. (EASA), starfandi í gegnum írska útibú sitt, Europ Assistance S.A. Irish Branch (EAIB) með höfuðstöðvar á jarðhæð Block B, Riverside IV, SJRQ, Dublin 2, Írlandi, DO2 RR77 og skráð hjá írsku fyrirtækjaskránni (e. Irish Companies Registration Office) undir númerinu 907089. EASA er með heimild frá franska eftirlitsyfirvaldinu. Autorité de Contrôle Prudentiel et de Résolution, 4 place de Budapest, CS92459 – 75436 París Cedex 09, Frakklandi og EAIB sæta eftirliti Seðlabanka Írlands að því er varðar eftirfylgni við viðskiptareglur. Vátrygging er boðin af vátryggingamiðlaranum Aon Iberia Correduria de Seguros y Reaseguros S.A.U. með aðstoð Airbnb Marketing Services S.L.U. sem utanaðkomandi samstarfsaðila. Skráð skrifstofa Aon er við C/ Velázquez, 86d, 28006-Madríd, Spáni. Aon er skráð á viðskiptaskrá í Madríd á blaði M-19857, bindi 1577, blaðsíðu 122, með kennitöluna A-28109247 og er á skrá stjórnarsviðs vátrygginga- og lífeyrissjóðaskrár yfir vátrygginga- og endurtryggingamiðlara með númerinu J0107. Aon hefur fjárhagslega getu og atvinnutryggingu samkvæmt konunglegri tilskipun nr. 3/2020 frá 4. febrúar 2020 um brýnar ráðstafanir til að innleiða í spænsk lög ýmsar tilskipanir Evrópusambandsins á sviði opinberra innkaupa á tilteknum sviðum; einkatrygginga; lífeyristrygginga og -sjóða; skattlagninga og skattamála. Fríðindi og þjónusta sem fylgja tryggingunni er hér almennt lýst, þau eru háð skilmálum og tilteknar undanþágur eiga við.
Upplýsingarnar í þessari grein gætu hafa breyst frá birtingu.