Baráttan gegn mismunun og aukið aðgengi allra að ferðalögum

Hraðbókun — eiginleiki sem gerir gestum kleift að bóka skráningu án þess að þurfa samþykki gestgjafa — er mikilvægt verkfæri sem getur dregið úr mögulegri mismunun í bókunarferlinu með því að styðja við hlutlægari bókanir. Nýlegar breytingar sem heimila heildstæðari skilgreiningu á snurðulausri ferðasögu á Airbnb hafa stuðlað að því að auka fjölda þeirra gesta sem bóka með hraðbókun.

Nýjar aðgerðir sem auðvelda gestgjöfum að svara bókunarbeiðnum tímanlega urðu einnig til þess að bókunarhlutfall jókst. Breytingarnar fólu meðal annars í sér aukinn sýnileika á bókunarbeiðnir í bið fyrir gestgjafa. Það dró úr fjölda ósvaraðra bókunarbeiðna og jók í raun fjölda gesta sem bóka gistingu.

Gestir með umsagnir eru með hærra bókunarhlutfall. Nú höfum við auðveldað gestum að bæta samferðamönnum með aðgang að Airbnb við bókun sína sem gerir þessum samferðamönnum kleift að fá umsögn, jafnvel þótt viðkomandi hafi ekki bókað gistinguna.

Við kynntum nýjan eiginleika sem gerir gestgjöfum og gestum kleift að birta það nafn sem viðkomandi kýs að nota við notandalýsingu sína eftir að hafa staðfest nafn sitt að lögum. Við erum einnig að bæta ferlið fyrir gestgjafa eða gesti sem tilkynna að rangt persónufornafn hafi verið notað til að vísa til sín í umsögn. Ef gestgjafi eða gestur skýrir frá slíku tilfelli, verður fornafninu skipt út fyrir það nafn sem notandinn kýs að nota.

Við höfum endurbætt ferlið þegar gestgjafar hafna bókunarbeiðni til að upplýsa þá um ásættanlegar og óviðunandi ástæður fyrir því að hafna bókunarbeiðni. Við höfum einnig uppfært reglur okkar gegn mismunun til að gera þær skilvirkari og tekið upp nýja vörn gegn mismunun vegna erfðastéttar. Að lokum erum við að gera ýmsar breytingar til að tryggja sanngirni þegar gestgjafi fellir niður fyrirliggjandi bókun.

Við erum að auka umfang starfsemi frumkvöðlaakademíu Airbnb sem miðar að því að fræða fólk úr minnihlutahópum og jaðarsettum samfélagshópum um gestaumsjón á verkvangi okkar, í samstarfi við samtök á borð við Hispanic Wealth Project, Brotherhood Crusade og United Spinal Association. Jafnframt höldum við þátttöku okkar í Operation HOPE áfram, en um er að ræða framtaksverkefni sem nær yfir eina milljón fyrirtækja í rekstri þeldökkra og veitir þeldökku athafnafólki stuðning og þjálfun við að stofna og efla rekstur sinn.

Leitarsíur fyrir aðgengiseiginleika auðvelda gestum að finna og bóka gistingu sem uppfyllir þarfir þeirra. Við yfirförum alla aðgengiseiginleika sem gestgjafar tilgreina til að tryggja að allt standist.