Að útbúa snurðulaust innritunarferli

Innritunarferlið hefst á skýrum samskiptum og endar með því að hjálpa gestum að koma sér vel fyrir í eigninni. Svona getur þú tryggt snurðulaust komuferli.

Opnaðu komuleiðbeiningar skráningarinnar til að útbúa innritunarferli sem er einfalt og áreiðanlegt.

• Veldu innritunartíma. Hugsaðu út í hvað þú þarft mikinn tíma til að útbúa eignina á milli gesta. Margir gestgjafar kjósa innritun síðdegis til að hafa nægan tíma til að þrífa áður en næsti gestur kemur.

• Skrifaðu skýra leiðarlýsingu að eigninni. Greindu frá gagnlegum upplýsingum ef erfitt er að finna hana eða ef símasamband er slæmt á svæðinu.

• Veldu innritunarmáta. Margir gestir kjósa frekar sjálfsinnritun sem gerir þeim kleift að komast inn án þess að þú sért á staðnum.

• Veittu innritunarleiðbeiningar. Þegar þú hefur valið innritunarmáta og bætt við upplýsingum, til dæmis hvar lyklaboxið þitt er, getur þú bætt við ítarlegum leiðbeiningum með myndum í sama hluta.

• Útbúðu húsleiðbeiningar og ferðahandbók. Deildu mikilvægum upplýsingum um eignina þína, eins og hvernig má tengjast þráðlausa netinu og staðbundnum ábendingum, eins og góðum stöðum til að borða á.

Gestir geta nálgast innritunarleiðbeiningar þínar í ferðaupplýsingunum, tveimur sólarhringum fyrir innritunartíma eða sólarhring ef þú ert með sveigjanlega afbókunarreglu.

Það gæti verið góð hugmynd að tímasetja skilaboð einum eða tveimur dögum fyrir innritun. Þannig gefst þér einnig tækifæri til að senda innritunarleiðbeiningar til allra gesta í bókuninni og hvetja þá til að hafa samband ef einhverjar spurningar vakna.

Stór þáttur í upplifun gesta af innritunarferlinu er hvernig þeim líður um leið og þeir opna dyrnar.

• Haltu eigninni tandurhreinni. Komdu þér upp venjum sem fela í sér að þrífa alla fleti, gólf og tauefni ásamt því að tryggja að engir blettir, óhreinindi eða hár séu til staðar.

• Birtu gagnlegar upplýsingar. Komdu prentuðum eintökum af húsleiðbeiningunum og ferðahandbókinni fyrir á augljósum stað.

• Skildu eftir komugjöf. Þetta getur verið jafn einfalt og handskrifaður miði eða góðgæti frá staðnum.

• Vertu með varaleið til að komast inn. Íhugaðu að hafa varalykil í lyklaboxi nálægt innganginum ef aðalinnritunarmátinn virkar ekki.

Hvernig sem þú velur að taka á móti gestum ætti að vera hægt að ná í þig eða samgestgjafa þinn við innritun til að leysa skjótt úr vandamálum sem geta komið upp. Skjót viðbrögð við komu gesta geta einnig skapað jákvæðan tón það sem eftir lifir dvalar.

Upplýsingarnar í þessari grein gætu hafa breyst frá birtingu.