Ákvarðaðu gistináttaverð

Það getur tekið tíma að stilla og finna rétta gistináttaverðið fyrir þig og gesti þína. Þú ræður alltaf verðinu hjá þér og getur breytt því hvenær sem er.

Þegar þú skráir eignina þína á Airbnb stillir þú upphafsverð. Verðtillagan sem þú færð í startpakka Airbnb miðast við staðsetningu þína, þægindin sem þú býður og eftirspurn gesta fyrir sambærilegar eignir.

Gerðu þitt besta til að haga kostnaðarþáttum við verðið sem gestir eru tilbúnir að greiða. Atriði til að hafa í huga eru meðal annars:

• Kostnaður við gistireksturinn, svo sem húsnæðislán, viðhaldskostnaður og skattar.
• Virðið sem þú býður, svo sem eftirsótt þægindi eða nálægð við vinsæl kennileiti.
• Heildarverð sem gestir koma til með að greiða, þar á meðal gjöld sem þú innheimtir.

Með því að uppfæra skráningarlýsingu þína, myndir og þægindi reglulega, kemur þú virði eignarinnar betur til skila og gefur gestum réttar væntingar.

Þegar þú gerir verðbreytingar getur þú pikkað á verð gesta fyrir skatta til að fá sundurliðun á grunnverði þínu ásamt þjónustugjaldi gesta. Pikkaðu á þú vinnur þér inn til að skoða grunnverðið að frádregnu þjónustugjaldi gestgjafa.

Með því að bera saman verð sambærilegra heimila í nágrenninu getur þú tryggt samkeppnishæft verð og stuðlað að fleiri bókunum. Ef þú býður sama verð fyrir allar nætur gætir þú notið góðs af því að bjóða sérverð fyrir virka daga og helgar. Með því að haga verði eftir tíma vikunnar getur þú fengið sem mest út úr bókunum.

Svona gerir þú samanburð á álíka eignum:

• Opnaðu verðflipann í dagatali skráningarinnar.
• Veldu allt að 31 daga tímabil.
• Pikkaðu á skoða sambærilegar eignir.

Þú munt sjá meðalverð sambærilegra eigna í nágrenninu á kortinu af svæðinu þar sem þú ert. Hnappar á kortinu gera þér kleift að velja hvort þú vilt skoða bókaðar eða óbókaðar eignir. Þættir sem tekið er tillit til við val sambærilegra eigna eru meðal annars staðsetning, stærð, eiginleikar, þægindi, einkunnir, umsagnir og skráningar sem gestir eiga til með að skoða sem annan valkost samhliða þinni.

„Ef ég tek eftir sambærilegum eignum á lægra verði og ég er enn með laust hjá mér, skoða ég málið nánar,“ segir Katie, meðlimur í ráðgjafaráði gestgjafa og ofurgestgjafi í Palm Springs, Kaliforníu. „Ég skoða skreytingarnar hjá mér, þægindin sem ég býð, afbókunarregluna og ræstingagjöldin. Ýmsar ástæður geta verið fyrir því að aðrar eignir fái bókanir í stað minnar.“

Þú stjórnar ávallt verði þínu og stillingum. Niðurstöður geta verið mismunandi.

Gestgjafar fengu greitt fyrir að taka þátt í viðtölum.

Upplýsingarnar í þessari grein gætu hafa breyst frá birtingu.